ბიომრავალფეროვნების დღე

გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის ორგანიზებითა და გერმანიის საერთაშორისო თანამშრომლობის საზოგადოების (GIZ) მხარდაჭერით, ბიომრავალფეროვნების საერთაშორისო დღესთან დაკავშირებით, ქართულ-ამერიკული უმაღლესი სკოლის V/2 კლასის მოსწავლეები დამრიგებლის - ირინა ჭელიძის ხელმძღვანელობით ეროვნულ საშენ მეურნეობას ეწვივნენ, სადაც მეურნეობის სათბურში ხე-მცენარეთა გამრავლების მეთოდებს გაეცნენ. თეორიული ცოდნის მიღების შემდეგ, მათ თვითონვე დააკალმეს და დათესეს მცენარეები, რითაც მიიღეს პრაქტიკული გამოცდილებაც.